Dyngja

Dyngju dúnúlpan í stuttu sniði er einstaklega hlý og þægileg, fyllt með hágæða endurunnum dún, en dúnninn er með 700 fill-power og veitir því einstaka einangrun miðað við þyngd.

Á úlpunni er hár kragi fylltur með dún sem veitir auka skjól og hetta með snúrugöngum. Hægt er að taka hettuna af. Stormlisti yfir rennilás sem kemur í veg fyrir að vindur blási í gegn. Tveir renndir vasar að framan, einn innri vasi og snúrúgöng með teygju í mitti svo hægt er að þrengja og aðlaga snið.

Til þess að festa hettuna á úlpunni svo rennilásinn opnist ekki þarf að leggja hausinn á rennilásnum niður meðfram rennilásnum, þannig að hausinn standi ekki út fyrir hettuna.

Mynstrið sækir innblástur í fyrstu flíkina okkar, sjóstakkinn, frá árinu 1926. Enn þann dag í dag er sjóstakkurinn ómissandi hluti íslensks sjávarútvegs, þar sem ótal sjómenn treysta á 66°Norður flíkur úti á sjó.