Dyngja

Dyngju vestið er einstaklega hlýtt og létt, fyllt með hágæða endurunnum dún, en dúnninn er með 700 fill-power og veitir því einstaka einangrun miðað við þyngd. Vestið er frábært ytra lag yfir léttar peysur eða boli á mildari dögum.

Á vestinu er hár kragi fylltur með dún sem veitir auka skjól ásamt stormlista yfir rennilás sem kemur í veg fyrir að vindurinn blási í gegn. Tveir renndir vasar að framan, einn innri vasi og snúrúgöng með teygju í mitti svo hægt er að þrengja og aðlaga snið.

Dyngju vestið hentar einstaklega vel fyrir daglegt íslenskt líf og hvers konar útivist.

Mynstrið sækir innblástur í fyrstu flíkina okkar, sjóstakkinn, frá árinu 1926. Enn þann dag í dag er sjóstakkurinn ómissandi hluti íslensks sjávarútvegs, þar sem ótal sjómenn treysta á 66°Norður flíkur úti á sjó.

Vestið er stórt í sniði og hentar öllum. Við mælum með að taka einni stærð minna en venjulega fyrir karla. Fyrir konur mælum við með að taka tveimur stærðum minna en venjulega.